ZANI SHQIPES NA BASHKON
Thrret Tropoja tanë Malsinë.
Thrret Kosova Dardaninë.
Thrret Presheva, Plav’-Gucia.
Thrret Ulqini e Labëria.
Shkodër Locja ka çu fjalë,
Kangë e valle mos me ndalë.
Myzeqe edhe dibran’,
Ulen n’sofër kudo janë.
Thrret Tivari e thrret Lezha,
Skenderbeu e Nanë Tereza.
Bashkë me Krujen e Mirditen,
S’e harrojmë na kurr’ traditen.
Thrret Tetova me matjan’,
Trojet tona anë e mbanë.
Bashkë me Shkup e Gostivar’,
Serenata me korçar’.
Zani shkon der’ n’Diaspor’,
Gjithkund shqipja si kunor’
Bashkë me vllaznit në Çamri,
Bahen bashkë Jug e Veri.
Ramazan Çeka
