KËT’ MIKPRITJE S’E HARROJ
Shkodra ime të përshndes
N’Amerikë erdha i ftuar
Fjalt e mia ke peshqesh
Ti je vendi më i bekuar
Sa herë vij në Amerikë
Për ty malli më shumë shtohet
Të mendoj ty ditë për ditë
Prej teje mendja s’largohet
Në kët’ botë pa anë pa fund
Si ty Shkodër zor me gjetë
N’djepin tand kush u përkund
I jeton edhe dy jetë
N’mes New Yorkut tuj shetitë
Çka sheh syri s’e besoni
Por si n’Shkodër ku jam rritë
Më t’gëzuar k’tu s’jetoni
Me gjithë zemër i uroj
Miqt e mi që më kanë ftu
Kët’ mikpritje s’e harroj
Me qejf sofren ma kanë shtru
Ramazan Çeka
