MALLI BAHET UR’
Te tanë boten e shetita
Boten mbar’ e pash’ me sy
Por n’at trull ku shtatin rrita
Prap nji ditë unë kam m’u kthy
Mos harroni moj rini
Ju që keni lind n’kurbet
K’tu i thonë nana Shqipni
Ky asht vendi që ju pret
Këtu ka gjithmon’ pranverë
Nuk gjen kund si vendi jonë
Me krah hap ju pret përherë
Me u kthy kurr’ nuk asht vonë
S’asht Shqipnia si dikur
Ka nevojë për bijt e saj
Këtu malli bahet ur’
Lot gëzimi e jo vaj
Anë e mbanë botës ku jeni
Asht i ambël vendi juj
Çerdhen tuj këtu e keni
Këtu derdhni djersen tuj
Ramazan Çeka
