Më k’ndon zemra edhe shpirti
Veç për ty Shqipnia nanë
Ta marrë vesh kush nuk e diti
Hallall qumshtin na ke dhanë
Nji flamur ne mbajmë në gji
Nji shqiponjë në ball’ na prinë
Dhe përulemi para tij
Sepse nji kemi Shqipninë
Kanga jonë kurr nuk ndalet
Si shqiponja n’fluturim
Na hek dertet edhe hallet
E fton kombin për bashkim
Do ta bajmë Shqipninë etnike
N’troje tona ku jetojmë
Padrejtsitë historike
Asnjiher’ s’do t’i harrojmë
Shkon lavdia n’histori
Shkon shqiponja përmbi re
Prej n’Kosovë der’ n’Çamëri
Kem nji gjuhë e nji atdhe
Ramazan Çeka
