SYTË E SHPIRTIT TË KËRKOJNË
Çdo mëngjes sa hapi sytë
Në dritare të vështroj,
Më buzqesh shikimi yt
Dhe me sy të përqafoj.
S’e kam ditë se kjo zemër
Ka me ndi kaq shumë për ty,
Nuk ka bota tjetër femër
Që t’dhuron dashni me sy.
Besoji syve që t’kan pa,
Besoji zemrës e jo mu,
Fati madh ty ka me t’ra,
Kur t’besosh se sa të du.
Zemra ime e vetmuar
Të kërkon o shpirti im,
Emrin tënd ka për ta shkruar
Si dashni që s’ka mbarim.
Ramazan Çeka